“Kəpəz”in legioneri: “Tərlan Əhmədov hər şeyin ən yaxşısına layiqdi”

Son mövsümü “Kəpəz”də keçirən Giorgi Kantariya Tərlan Əhmədovun Gəncə klubundan gedişini şərh edib.

Futbolxeber.az saytına açıqlamasında gürcü yarımmüdafiəçi “Kəpəz” rəhbərliyinin qərarının gözlənilməz və anlaşılmaz olduğunu bildirib:

“Tərlan Əhmədovun “Kəpəz”dən gedişi mənim üçün gözlənilməz oldu. Nə baş verdiyi anlaşılmazdı. Tərlan Əhmədova uğurlar arzu edirəm. O, hər şeyin ən yaxşısına layiqdi. Əhmədov “Kəpəz”in Premyer Liqada qalması üçün çox şey etmişdi”.

Xatırladaq ki, “Kəpəz” rəhbərliyi baş məşqçi vəzifəsində Tərlan Əhmədovu Azər Məmmədovla əvəzləyib.

Əlavə edək ki, Giorgi Kantariya özü də saytımıza açıqlamasında “Kəpəz”dən ayrıldığını bildirib.