Gürcü futbolçu “Kəpəz”dən getdi: "Yeni klubumun adı tezliklə məlum olacaq”

Giorgi Kantariya “Kəpəz”dən ayrılıb.

Futbolxeber.az saytına bu haqda gürcü futbolçunun özü məlumat verib.

O bildirib ki, Gəncə klubu ilə başa çatan müqaviləsini yeniləməyib: “Artıq “Kəpəz”in futbolçusu deyiləm. Klubla müqaviləm başa çatdı. Sözləşməni yeniləməmək qərarına gəldim”.

Kantariya yeni klubunun adının tezliklə müəyyənləşəcəyini bildirib: “Hazırda yeni təkliflər gözləyirəm. Məni heyətində görmək istəyən klublar var. Yeni klubumun adı tezliklə məlum olacaq”.

“Karyeranı digər Azərbaycan klubunda davam etdirməyin mümkündür?” sualını gürcü futbolçu belə cavablandırıb: “Maraq göstərənlər var. Amma düzünü deyim ki, hələ rəsmi təklif almamışam”.