IV və sonuncu yerin sahibi müəyyənləşdi

Bu gün Azərbaycan Premyer Liqasında 2022/2023 mövsümünün sonuncu - 36-cı turuna start verilib.

Futbolxeber.az saytının məlumatına görə, ilk oyun günündə 3 matç keçirilib.

"Sumqayıt" "Zirə"ni, "Qəbələ" "Kəpəz"i qəbul edib. Bu oyunlardan sonra çempionatda IV yerin sahibi müəyyənləşib. Həm "Qəbələ", həm də "Zirə" mövsümü 50 xalla başa vursa da, şəxsi oyunlardakı üstünlüyünə görə IV yeri "Qəbələ" tutub. Bununla da Elmar Baxşıyevin komandası ölkəmizi Konfrans Liqasında təmsil etmək hüququ qazanıb.

Günün son qarşılaşmasında "Səbail" "Şamaxı"nı qəbul edib. Bu matçda isə Premyer Liqanı tərk edəcək komanda bəlli olub. 1:0 hesablı qələbə qazanan “Səbail” 9-cu yeri tutub. “Şamaxı” isə Premyer Liqa ilə vidalaşıb.

Azərbaycan Premyer Liqası

XXXVI tur

27 may (şənbə)

“Səbail” - “Şamaxı” - 1:0 

Qol: Franko Mazurek, 45+1

Qırmızı vərəqə: Elmir Tağıyev, 90+2 ("Səbail")

“ASCO Arena”

“Sumqayıt” - “Zirə” - 0:3

Qollar: Rəhim Sadıxov, 10; 67, Toni Qomes, 89

“Kapital Bank Arena”

“Qəbələ” - “Kəpəz” - 1:1

Qollar: İsnik Alimi, 45+4-pen (1:0), Zamiq Əliyev, 80 (1:1)

Qəbələ şəhər stadionu

28 may (bazar)

17:00. “Neftçi” - “Sabah”

19:30. “Qarabağ” - “Turan Tovuz”

Bombardirlər: Ramil Şeydayev ("Qarabağ") - 22 qol, Musa Qurbanlı ("Qarabağ") - 20 qol, Coy Lens Mikels ("Sabah") - 17 qol, Emin Mahmudov ("Neftçi"), Aleksey Kaşuk ("Sabah") - 16 qol