“Neftçi”nin baş məşqçisi biabırçı məğlubiyyətə görə azarkeşlərdən üzr istədi

“Neftçi”nin baş məşqçisi Laurentsio Regekampf Azərbaycan Premyer Liqasının 33-cü turunda “Turan Tovuz”dan alınan 0:4 hesablı biabırçı məğlubiyyətə görə komandanın azarkeşlərindən üzr istəyib.

Futbolxeber.az saytının məlumatına görə, matçdan sonra təşkil olunan mətbuat konfransında rumın mütəxəssis bunları deyib:

“Danışılası nəsə yoxdur. Həm öz, həm də oyunçuların adından azarkeşlərdən üzr istəyirəm. Daha ciddi olmalıyıq, hələ tətilə çıxmamışıq. Bu, bizim, klubun adıdır. İmkan verə bilmərik ki, adımız belə ləkələnsin”.