“Tovuzlu azarkeşlər bu gün komandalarının 12-ci oyunçusu idilər”

“Neftçi”nin baş məşqçisi Laurentsio Regekampf ölkə kubokunun yarımfinal mərhələsinin ilk oyununda səfərdə “Turan Tovuz”a 0:1 hesabı ilə uduzduqları matçdan sonra rəqib azarkeşləri təbrik edib.

Futbolxeber.az saytının məlumatına görə, qarşılaşmadan sonra təşkil olunan mətbuat konfransında deyib:

“Bu gün stadionda atmosfer mükəmməl idi. Tovuzlu azarkeşləri qələbə münasibəti ilə təbrik edirəm. Onlar bu matçda komandalarının 12-ci oyunçusu idilər. Stadionda belə ab-hava görmək çox xoşdu. Bu cür dəstəyin qarşısında oynamaq da gözəldi”.