“Qarabağ”ın auksiona çıxarılan formalarına 1000 dollar vermək istəyən yoxdu

"Qarabağ"ın sabiq məşqçisi Mehmet Ak Türkiyədə baş vermiş zəlzələdən zərərçəkənlərə dəstək olmaq üçün Ağdam təmsilçisinin 2007/2008 və 2008/2009 mövsümlərində Azərbaycan kubokunu qazandığı matçlarda geyindiyi imzalı formaları satışa çıxarıb.

Türkiyəli məşqçi Futbolxeber.az saytına açıqlamasında bildirib ki, formalar bir müddətdi satışa çıxarılsa da, hələ ki satılmayıb:

“Hələ ki formaların satışı baş tutmayıb. Düzdür, formalarla bağlı təkliflər gəlib. Lakin təklif olunan rəqəmlər çox aşağıdı. Hazırda istənilən rəqəmi ödəmək istəyən yoxdu”.

Qeyd edək ki, Mehmet Ak formaları 1000 dollar məbləğində dəyərləndirib.

İBRAHİM