“Millinin formasını geyinənlər bu ada yaraşan futbolçular olmalıdır”

Azərbaycan millisinin baş məşqçisi Canni de Byazi "CBC Sport"a açıqlama verib.

Futbolxeber.az saytının məlumatına görə, o, Rusiya “Ximki”sində çıxış edən Ayaz Quliyevin yığmamıza çağırılması ehtimalını dəyərləndirib. Ayaz Quliyev bir müddət əvvəl Azərbayca millisində çıxış etmək istədiyini vurğulayıb. De Byazi isə məsələ ilə bağlı deyib: 

“Bəli. Onun dediklərini eşitmişəm. Ayazın bu sözləri məni sevindirir. Amma milliyə uyğun olub-olmadığını müəyyənləşdirmək üçün Ayaz Quliyevin özü ilə danışmalıyam.  Elə futbolçular lazımdır ki, bizə hörmət etsinlər, yığmaya rəğbət göstərsinlər. Millinin formasını geyinənlər bu ada yaraşan futbolçular olmalıdır”.

Qeyd edək ki, Ayaz Quliyev Rusiyanın aşağı yaş qruplarından ibarət yığmalarında çıxış edib.