Bulıkin Kadinin "Krasnodar"a transferinə qarşı çıxdı

Rusiya millisinin sabiq hücumçusu Dmitri Bulıkin "Krasnodar"ın Kadi Borgesi transfer etməsinə münasibət bildirib.

Futbolxeber.az saytının məlumatına görə, o, Rusiya mətbuatına açıqlamasında hazırkı vəziyyətdə belə transferə ehtiyac olmadığını söyləyib.

Yalnız onu demək olar ki, əgər onlar əcnəbi alırlarsa, deməli, Qalitskinin ("Krasnodar"ın prezidenti Sergey Qalitski nəzərdə tutulur - red.) akademiyası pis işləyir. Hərçənd onun yaxşı fikirləri var idi.

Komandanı öz yetirmələrindən təşkil etmək istəyirdi. Görünür, nəsə düz getməyib ki, onun etimadı doğrulmayıb. Fikrimcə, hazır vəziyyətdə avrokuboklarla iştirak etməyən klubun əcnəbiləri alması doğru deyil. Amma bunu klubu rəhbərliyi və sahibləri müəyyənləşdirir".

Xatırladaq ki, bu günlərdə "Krasnodar" "Qarabağ"ın sabiq oyunçusu Kadi ilə 3,5 illik müqavilə imzalayıb.