Sonuncu yarımfinalçı "Neftçi" oldu

Bu gün Azərbaycan kubokunda 1/4 final mərhələsinə yekun vurulub.

Futbolxeber.az saytının məlumatına görə, ikinci oyun günündə daha 2 matç keçirilib.

Əvvəlcə "Turan Tovuz" "Kəpəz"i qəbul edib. Komandalar arasında keçirilən ilk oyunda "Turan Tovuz" 2:1 hesablı qələbə qazanıb. Cavab matçında qalib aşkarlanmayıb və bu nəticə ilə Tovuz klubu yarımfinala yüksəlib. 

Digər oyunda isə "Neftçi" öz meydanında "Zirə" ilə qarşılaşıb. İlk oyunda "Zirə"yə 0:1 hesabı ilə uduzan Flaqman cavab görüşünün əlavə vaxtında istəyinə çatıb.

Bununla da gələn il keçiriləcək yarımfinalda ”Qəbələ” - ”Səbail”lə, ”Turan Tovuz” ”Neftçi” ilə üz-üzə gələcək.

Azərbaycan kuboku

1/4 final, cavab oyunları

20 dekabr (çərşənbə axşamı)

“Neftçi” - “Zirə” - 3:1 (Əlavə vaxtda)

Qollar: Yeqor Boqomolski, 3 (1:0), Emin Mahmudov, 45+1 (2:0), Loris Broqno, 89 (2:1), Kenni Sayef, 95 (3:1)

İlk oyun - 0:1

Hakimlər: Rauf Cabarov, Namiq Hüseynov, Cavanşir Yusifov, Cavid Cəlilov

“Bakcell Arena”

“Turan Tovuz” - “Kəpəz” - 2:2

Qollar: Faiq Hacıyev, 15 (1:0), Xəyal Nəcəfov, 16 (2:0), Fərid Nəbiyev, 32 (2:1), 45+3 (2:2)

İlk oyun - 2:1

Hakimlər: Rəvan Həmzəzadə, Cəmil Quliyev, Vüsal Məmmədov, Kamal Umudlu

Tovuz şəhər stadionu

19 dekabr

"Sabah" - "Səbail" - 0:1

İlk oyun - 2:3

"Qəbələ" - "Qarabağ" - 1:0

İlk oyun - 2:2