İlk gündə 20 min bilet satıldı

UEFA Avropa Liqasının qrup mərhələsində keçiriləcək “Qarabağ” - “Frayburq” (Almaniya) matçına bilet satışı davam edir.

Futbolxeber.az saytının “Qarabağ”ın feysbuk səhifəsinə istinadən verdiyi məlumata görə, ilk gündə oyun üçün satışa çıxarılan biletlərdən 20 mini artıq satılıb.

Biletlərin qiyməti müvafiq olaraq 5, 20, 30, 75 və 100 manat təşkil edir.

Satış məntəqələri:

* Tofiq Bəhramov adına Respublika stadionun kassalarında (11:00-dan 20:00-dək);

* Iticket.az-ın satış məntəqələri (iticket.az-da onlayn satış);

* Park Bulvardakı “Qarabağ” FK-nın Fan-Şopunda (11:00-dan 20:00-dək), eləcə də 28 mall və Gənclik mall ticarət mərkəzlərində satılır (11:00-22:00).