Emin Mahmudov: “Ardıcıl qələbələr qazandıq. Bu, özümüzə olan inamı artırdı”

Sabah UEFA Millətlər Liqasının sonuncu turunda Qazaxıstanla qarşılaşacaq millimizin oyun öncəsi mətbuat konfrasına baş məşqçi Canni de Byazi ilə yanaşı, yığmanın aparıcı üzvü Emin Mahmudov da qatılıb. 

Təcrübəli yarımmüdafiəçi görüşlə bağlı bunları deyib:

“Slovakiyaya qarşı çox yaxşı, sona kimi mübarizə apardıq. Bu, bizə yaxşı nəticə qazanmağımıza kömək etdi. Bəzi oyunlarda bəxtimiz gətirmirdi. Ardıcıl qələbələr qazandıq. Bu, özümüzə olan inamı artırdı. Əsas odur ki, davamlı olsun. Bəzi oyunlarda daha yaxşı oynaya, çox xal toplaya bilərdik. Potensialımız imkan verir ki, daha yaxşı oynayaq. Bəzi matçlarda potensialımızdan daha aşağı çıxış etdik. Məncə, daha yaxşı nəticələr əldə edə bilərdik”.