"Şamaxı"nın baş məşqçisi məğlubiyyəti belə şərh etdi

"İlk olaraq azarkeşlərimizə təşəkkür edirəm. 90 dəqiqə bizi dəstəklədilər. "Qarabağ"la oyunun çətin keçəcəyini bilirdik. "Qarabağ" Azərbaycanın ən yaxşı klublarından biridir. 9 ildir Avropada bizi layiqincə təmsil edirlər". 

Futbolxeber.az saytının məlumatına görə, bu sözləri "Şamaxı"nın baş məşqçisi Vüqar Əsgərli Azərbaycan Premyer Liqasının 4-cü turunda "Qarabağ"a 0:4 hesabı ilə uduzduqları oyundan sonra keçirilən mətbuat konfransında deyib.

"Qurban Qurbanov başda olmaqla bütün komandaya uğurlar arzulayıram. "Qarabağ" topa sahib olmağı xoşlayır. 90 dəqiqə qaçmaq çətindir. Ani diqqətsizlik qolla nəticələndi. Fərdi səhvlərdən qapımızda qollar görürük. Oyunçular mübarizə aparır və gələcəyə ümidlə baxa bilərik" - deyə o bildirib.

V.Əsgərli ilk 20-25 dəqiqədə yaxşı çıxış etdiklərini söyləyib: "Yerli futbolçularla mübarizəyə başlamışıq. 6 aydan sonra baxacağıq. Ehtiyacımız olan mövqelərə transfer edəcəyik".