Mixal Bilek: "Bu, böyük uğurdur"

"Viktoriya"nın baş məşqçisi Mixal Bilek Çempionlar Liqasının pley-off mərhələsində evdə "Qarabağ"a qalib gələrək qrupa adladıqları oyun haqqında fikirlərini bölüşüb. 

Futbolxeber.az saytının məlumatına görə, mütəxəssis görüşdən sonra təşkil olunan mətbuat konfransında qarşılaşmanın çətin keçdiyini deyib:

"Təsnifat mərhələsinin oyunlarını əla keçirdik. Altı oyundan beşini qələbə ilə başa vurduq, birində heç-heçə etdik. Təəssüf ki, matçın əvvəlində qol imkanını əldən verdik, sonra isə öz qapımızdan top buraxdıq. Oyun çətin keçdi. Komanda ruhdan düşmədi. Bunu çox yüksək qiymətləndirirəm. Bu, böyük uğurdur. İstədiyimizə nail olduq. Plzendə Çempionlar Liqası olacaq. Bu, böyük uğurdur. Bu kollektivə başçılıq etdiyim qürur duyuram. Çempionlar Liqasında oynamaq bizim haqqımızdır. Titul qazananda böyük nailiyyət olur. Qrupa düşmək də buna bərabərdir. Bu, ürəyi isidir, əla hisslərdir. Fanatlar möhtəşəm ab-hava yaratmışdılar və onların qarşısında oynamaq xoş idi. Uzun-uzadı bayram etməyə vaxt yoxdur. Şənbə günü bizi daha bir çətin oyun gözləyir. Əvvəl də dediyim kimi, biz yerli çempionata da avrokuboklar kimi ciddi yanaşırıq".

Bilek komandasının qələbə qolunun vurun Yan Kliment haqqında isə bu sözləri deyib: "İkinci hissədə iki hücumçu ilə oynamağa başladıq. Kliment hərəkəti hesabına oyunumuzu irəli aparırdı. O, lazım olan yerlərdə olurdu və sonda qərarını verdi. Meydana nəyə görə çıxdığını bu cür göstərdi".