Regekampfın Vyanadakı mətbuat konfransının vaxtı açıqlandı

UEFA Avropa Konfrans Liqasının III təsnifat mərhələsi çərçivəsində avqustun 11-i Bakı vaxtı ilə saat 22:30-da “Alyans” stadionunda keçiriləcək “Rapid” (Vyana) - “Neftçi” oyunu öncəsi komandanın baş məşqçisi Laurentsiu Regekampf və nigeriyalı futbolçu Yusuf Lavalın iştirakı ilə mətbuat konfransı təşkil olunacaq. 

Futbolxeber.az-ın klubun saytına istinadən verdiyi məlumata görə, tədbir avqustun 10-u Bakı vaxtı ilə saat 21:00-da “Alyans” stadionunun mətbuat zalında baş tutacaq. Konfransdan sonra - saat 21:30-da isə təmsilçimizin media nümayəndələri üçün açıq məşqi (ilk 15 dəqiqəsi) olacaq.

Eyni məkanda həmin gün Bakı vaxtı ilə saat 19:00-da “Rapid”in mətbuat konfransı, 20:00-da isə rəqib komandanın açıq məşqi (ilk 15 dəqiqəsi) olacaq.

Qeyd edək ki, bu tədbirlərin “Neftçi TV” vasitəsilə canlı yayımlanması nəzərdə tutulub.