"Neftçi"nin potensial rəqibləri bəlli oldu

Konfrans Liqasında pley-off mərhələsinin püşkü atılır.

Futbolxeber.az saytının məlumatına görə, turnirdə Azərbaycanın hazırkı yeganə təmsilçisi "Neftçi"nin də potensial rəqibi müəyyənləşib. 

3-cü təsnifat mərhələsinin “Neftçi” - “Rapid” (Vyana, Avstriya) cütü “səpələnməmişlər” səbətində yer alıb. Bu cütün qalibi pley-off mərhələsində “Vaduts" (Lixtenşteyn) - "Konyaspor" (Türkiyə) cütünün qalibi  ilə qarşılaşacaq. "Neftçi" - "Rapid" cütünün qalibi pley-offda ilk matçını səfərdə keçirəcək.

Pley-off mərhələsinin ilk oyunu avqustun 18-də, cavab matçı isə avqustun 25-də matçı keçiriləcək. "Neftçi"nin "Rapid"lə ilk görüşü avqustun 4-də evdə, cavab qarşılaşması avqustun 11-də səfərdə olacaq.