Rukavitsa “Neftçi”yə keçir

“Neftçi” hücumçu transferini reallaşdırmağa yaxındır.

Futbolxeber.az saytının məlumatına görə, son klubu Hayfa “Makkabi”si olan Nikita Rukavitsa paytaxt təmsilçisi ilə razılığa gəlib.

Bu barədə İsrail mətbuatı məlumat yayıb. 34 yaşlı hücumçunun hazırda İsraildə olduğu və Konfrans Liqasının pley-offunda sabah "Neftçi"nin “Makkabi” (Hayfa) ilə oyunundan sonra "ağ-qaralar"la birlikdə Bakıya gələcəyi bildirilib. Nikitanın “Neftçi”də illik 400 min avro qazanacağı da iddia edilir.

Qeyd edək ki, Avstraliya millisinin üzvü karyerası ərzində ölkəsində “Pert”, “Vestern Sidney”, Niderlandda “Tvente”, Almaniyada “Herta”, “Maynts”, İsraildə “Beytar” və “Makkabi” kimi klublarda çıxış edib. 2016-cı ildən çıxış etdiyi Hayfa təmsilçisində 142 oyuna 61 qol vuran forvard, Avstraliya millisində 18 matçda 1 dəfə fərqlənib.