“Sabah” ilk oyuna hazırdı

Gürcüstanın Tbilisi şəhərində təlim-məşq toplanışında olan “Sabah” növbəti mövsüm üçün hazırlıqlarını davam etdirir.

Futbolxeber.az saytının məlumatına görə, komanda ötən gün axşam saatlarında növbəti məşqinə çıxıb.

“Zestafoni” təlim-məşq bazasında keçirilən məşqdə futbolçular topla müxtəlif təmrinləri yerinə yetirib, taktiki planda hazırlıq keçiblər.

Qeyd edək ki, "Sabah" bu gün Tbilisi toplanışı çərçivəsində ilk yoxlama oyununu keçirəcək. “Ağ-göylər” yerli “Şukura”nı (Kobuleti) sınağa çəkəcək. Görüş “Zestafoni” təlim-məşq bazasında keçiriləcək.