Mahir Emrelidən qol ötürməsi

"Legiya"da çıxış edən millimizin futbolçusu Mahir Emreli  Çempionlar Liqasının 1-ci təsnifat mərhələsində hazırda davam edən "Budyo-Qlimt"lə cavab oyununda qol ötürməsi verib.

Futbolxeber.az saytının məlumatına görə, o, komanda yoldaşı Luquinhasın 40-cı dəqiqədə vurduğu qolun ötürməsinin müəllifi olub.

M.Emreli 83-cü dəqiqədə onunla rəqabətdə olan Tomas Pekhartla əvəzlənib. Məhz Pekhart 90+5-ci dəqiqədə komandasının 2-ci qolunun müəllifi olub.

Qeyd edək ki, sözügedən qarşılaşma Legiya təmsilçisinin 2:0 hesablı qələbəsi ilə başa çatıb. Bununla da Polşa çempionu növbəti mərhələyə yüksəlib.