AVRO-2020 üçün Azərbaycana gələcək azarkeşlər karantinə alınacaqlar?

AVRO-2020-nin Bakıda keçiriləcək oyunları üçün Azərbaycana gələcək azarkeşlər karantinə alınmayacaqlar.

Futbolxeber.az saytının məlumatına görə, bu iddia ilə mətbuatı çıxış edib. Uels mətbuatı bununla bağlı AFFA-dan məlumat verildiyini bildirib.

Pandemiyaya baxmayaraq, komandalarını dəstəkləmək üçün Bakıya gələcək azarkeşlər karantin problemi ilə üzləşməyəcəklər. O da qeyd olunub ki, azarkeşlər vizaları Bakıya çatarkən hava limanında əldə edəcək. Yaxud da onlar vizanı onlayn şəkildə alacaqlar.

Paytaxtımıza gələn qonaqlar ölkəyə daxil olarkən sərhəddə bileti və koronavirus testinin mənfi nəticə göstərdiyini təsdiqləyən sənədi göstərməlidir. Stadiona giriş üçün isə əlavə testə ehtiyac olmayacaq.

Xatırladaq ki, AVRO-2020 bu il iyunun 11-dən iyulun 11-dək keçirilməlidir. Təqvimə əsasən, Bakı Olimpiya Stadionu A qrupunun İsveçrə - Uels, Türkiyə - Uels və Türkiyə - İsveçrə qarşılaşmalarına, eləcə də 1/4 final mərhələsinin 1 oyununa ev sahibliyi edəcək.