“Neftçi” liderliyi əldən verdi

Azərbaycan Premyer Liqasında 21-ci tura yekun vurulub.

Futbolxeber.az saytının məlumatına görə, ikinci oyun günündə 3 görüş keçirilib.

Lider "Neftçi" öz meydanında "Sumqayıt"a uduzub.

Buna qədər “Neftçi” ilə birgə şərikli lider olan “Qarabağ” da eyni aqibəti yaşamağa yaxın olsa da, Qurban Qurbanovun komandası son saniyələrdə penalti sayəsində məğlubiyyətdən qaçıb. Qazanılan 1 xal sayəsində “Qarabağ” zirvəni ələ keçirib.

Digər görüşdə isə "Qəbələ" "Sabah"ın qonağı olub. Oyun meydan sahiblərinin qələbəsi ilə başa çatıb - 1:0. Bununla da paytaxt təmsilçisi 7 oyunluq qələbəsizlik seriyasına son qoyub.

Azərbaycan Premyer Liqası

XXI tur

4 aprel (bazar)

“Keşlə” - “Qarabağ” 1:1

Qollar: Rəhman Hacıyev, 7 (1:0), Patrik Andrade, 90+2-pen. (1:1)

Hakimlər: Rəvan Həmzəzadə, Cəmil Quliyev, Vüqar Bayramov, Səbuhi Bayramov

“ASK Arena”

“Sabah” - “Qəbələ” 1:0

Qol: Ramil Şeydayev, 45+1

Hakimlər: Rəhim Həsənov, Namiq Hüseynov, Eyyub İbrahimov, Kamranbəy Rəhimov

“Bank Respublika Arena”

“Neftçi” - “Sumqayıt” 0:2

Qollar: Rəhim Sadıxov, 4 (0:1), 42 pen.(0:2)

Hakimlər: İnqilab Məmmədov, Pərvin Talıbov, Rahil Ramazanov, Tural Qurbanov

“Bakcell Arena”

Bombardirlər: Namiq Ələsgərov ("Neftçi") - 14 qol, Mahir Emreli ("Qarabağ") - 13 qol, Filip Ozobiç ("Qarabağ") - 10 qol