AFFA-dan qalibləri kubok və medallar

AFFA-nın inzibati binasında U-15 Liqa, U-16 Liqa, “Bakcell U-17 Liqa”, Gənclər Liqası və qızlar arasında UNICEF U-16 Liqası və Yüksək Liqasının 2019/2020-ci il mövsümünün qaliblərinə kubok və medallar təqdim olunub.

Futbolxeber.az-ın AFFA-nın saytına istinadən verdiyi məlumata görə, İcraiyyə Komitəsinin 22 may 2020-ci il tarixində qəbul edilmiş qərarına əsasən, koronavirus (COVİD-19) pandemiyası ilə əlaqədar, Nazirlər Kabineti yanında Operativ Qərargahın təhsil müəssisələrində tədris prosesi ilə bağlı qəbul etdiyi müvafiq qərarlar nəzərə alınaraq, AFFA-nın təşkilatçılığı ilə keçirilən yuxarıda qeyd olunan liqalarda mövsüm başa çatdırılmış, liqalarda mövcud vəziyyətdə birinci pillədə olan aşağıdakı komandalar liqaların qalibləri elan olunmuşdur:

U-15 Liqa - Qəbələ İK

U-16 Liqa - Sabah FK

Bakcell U-17 Liqa - Qəbələ İK

Gənclər Liqası - Qəbələ İK

Qızlar Liqası

UNİCEF U-16 Liqa - 8 nömrəli İOEUGİM (Bakı)

Yüksək Liqa - 8 nömrəli İOEUGİM (Bakı)