“Neftçi” zirvəyə yüksəldi

Azərbaycan Premyer Liqasında 20 günlük fasilə başa çatıb.

Futbolxeber.az saytının məlumatına görə, koronavirus səbəbindən təxirə salınmış 12-ci turun bütün oyunları bu gün keçirilib.

“Qəbələ” doğma meydanda lider “Qarabağ”ı qəbul edib. Oyunun gedişində hesabda geridə olmasına və azlıqda qalmasına baxmayaraq, “Qəbələ” meydanı xalsız tərk etməyib.

"Sumqayıt" səfərdə "Zirə"nin qonağı olub. Ayxan Abasovun komandası 2 dəfə hesabda önə keçsə də, yekunda tərəflər meydanı hərəyə 1 xalla tərk ediblər.

“Səbail” səfərdə “Keşlə”lə ilə üz-üzə gəlib. İlk yarıda rəqib qapısına 2 dəfə yol tapan qonaqlar 3 xal qazanıb.

Günün son oyununda “Neftçi” “Sabah”la qarşılaşıb və rəqibini 2:0 hesabı ilə məğlub edib. Bu qələbə sayəsində "Neftçi" turnir cədvəlində liderliyə yüksəlib.

Azərbaycan Premyer Liqası

XII tur

20 dekabr

“Sabah” – “Neftçi” - 0:2

Qollar: Namiq Ələsgərov, 45+3-pen; 65

Hakimlər: Əliyar Ağayev, Akif Əmirəli, Elşad Abdullayev, Elçin Məsiyev

“Bank Respublika Arena”

“Keşlə” - “Səbail” 0:2

Qollar: Urfan Abbasov, 11 (0:1), Əfran İsmayılov, 17 (0:2)

Hakimlər: Rəvan Həmzəzadə, Cəmil Quliyev, Vüqar Bayramov, Rəhim Həsənov

“ASK Arena”

“Zirə” - “Sumqayıt” 2:2

Qollar: Murad Xaçayev, 11 (0:1), Ağabala Ramazanov, 56 (1:1), Rəhim Sadıxov, 57 (1:2), Qismət Alıyev, 62 (2:2)

Hakimlər: Rəşad Əhmədov, Cavanşir Yusifov, Eyyub İbrahimov, Nicat İsmayıllı

Zirə İdman Kompleksinin stadionu

“Qəbələ” - “Qarabağ” 1:1

Qollar: Filip Ozobiç, 51 (0:1), Rafael Utriq, 83 (1:1)

Qırmızı vərəqə: Rövlan Muradov, 70 ("Qəbələ")

Qaçırılan penalti: Uros Matiç, 15 ("Qarabağ")

Hakimlər: Rauf Cabarov, Namiq Hüseynov, Müslüm Əliyev, İnqilab Məmmədov

Qəbələ şəhər stadionu

Bombardirlər: Namiq Ələsgərov ("Neftçi") - 8 qol, Filip Ozobiç ("Qarabağ") - 7 qol, Əli Qurbani ("Sumqayıt"), Mahir Emreli ("Qarabağ") - 6 qol