Yunis Hüseynovun 100-cü qələbəsi

Yunis Hüseynov baş məşqçi karyerasında 100-cü qələbəsini qazanıb.

Futbolxeber.az saytının məlumatına görə, bu, “Keşlə”nin “Qəbələ” ilə Premyer Liqanın 9-cu turundakı matçına təsadüf edib. 3:1 hesablı qələbə Hüseynov üçün yubiley kimi tarixə düşüb. 100-cü qələbə onun baş məşqçi kimi 270-ci oyununa təsadüf edib.

Baş məşqçi vəzifəsində debütü 2004-cü ilə təsadüf edən Hüseynov Premyer Liqada 82, Azərbaycan kubokunda 15, Avropa Liqasında (UEFA kuboku) 3 dəfə qələbə sevinci yaşayıb. O, 5 klubda komandasının qalibiyyətinə şahid olub. “Karvan” 75 (çempionat - 64, kubok - 9, UEFA kuboku - 2), “Standard” 7 (çempionat - 3, kubok - 4), “Xəzər Lənkəran” 13 (çempionat - 11, kubok - 1, UEFA kuboku - 1), “Kəpəz” 2 (çempionat - 1, kubok - 1) qarşılaşmada Hüseynovun rəhbərliyi altında qalib gəlib. Onun 10-cu dəfə meydana çıxardığı “Keşlə” 3-cü dəfə qələbə qazanıb. Hər üç uğur Premyer Liqa çərçivəsində gerçəkləşib (pfl.az).