“Beşiktaş”dan Azərbaycana növbəti dəstək

"Beşiktaş" növbəti dəfə Azərbaycana dəstəyini nümaiş etdirib.

Futbolxeber.az saytının məlumatına görə, İstanbul təmsilçisi bu barədə rəsmi Tvitter hesabında paylaşım edib.

Superliqanın 4-cü turunda “Gənclərbirliyi” ilə matçdan əvvəl komandanın ev oyunlarının keçirildiyi "Vodafone Park" stadionunun tribunasında Azərbaycan və Türkiyə bayrağı yerləşdirilib. Tribunadakı pankartda isə bunlar yazılıb:

"Bir millət, iki dövlət, Tək deyilsən Azərbaycan!"

Qeyd edək ki, sözügedən qarşılaşma bu gün Bakı vaxtı ilə 17:00-da başlayacaq.