“Neftçi”in qapıçısından ordumuza dəstək: “Maşını belə istəsələr, ver getsin”

"Neftçi"nın qapıçısı Aqil Məmmədov cəbhəyə yardım göndərib.

Futbolxeber.az saytının məlumatına görə, bununla bağlı tanınmış idman jurnalisti, “Xəzər TV”nin əməkdaşı Ceyhun Rzayev Feysbukda paylaşım edib.

C.Rzayev bildirib ki, detalları Aqilin dostu "Futbol+" qəzetinə açıqlayıb:

"Dedi ki, dözə bilmirəm, nəsə etmək istəyirəm. Məndən xahiş etdi ki, nəyə ehtiyac ola bilərsə, alım yığım maşına, apar. Hətta belə bir cümlə işlətdi ki, orda maşını belə istəsələr, ver getsin. Sual belə vermə, maşını ver, özün otur taksiyə, qayıt. Su, meyvə, siqaret, şirniyyat, bir sözlə, əsgərlər üçün nə lazımdırsa, almışıq. Murova gedirik. Aqilin şənbə günü "Zirə"yə qarşı oyunu olduğu üçün bizimlə gedə bilmədi. Bütün xərci o çəkdi".