UEFA reytinqində gerilədik

Avropa Liqasının 1-ci təsnifat mərhələsinin oyunlarından sonra UEFA-nın yeni reytinqi açıqlanıb.

Futbolxeber.az saytının məlumatına görə, keçirilən oyunlarlardan sonra siyahıda dəyişikliklər olub.

"Neftçi"nin Bakıda Şimali Makedoniya "Şkupi"sinə 2:1 hesabı ilə qalib gəlməsinə (0,375 xal) baxmayaraq, Azərbaycan 1 pillə geriləyərək 26-cı sıraya enib. Çünki digər təmsilçilərimiz "Sumqayıt" və "Keşlə" ilk oyunundaca uduzaraq mübarizəni dayandırıb.

Hərçənd ki, bu klublarımızın oyunları da ölkəmizin aktivinə xal qazandırıb. "Sumqayıt"ın doğma meydanda Şimali Makedoniya təmsilçisi "Şkendiya"ya 0:2 uduzması 0,125, "Keşlə"nin Albaniya "Laçi"si ilə 90 dəqiqə ərzində qolsuz bərabərə qalması isə Azərbaycanın reytinqinə 0,250 xal gətirib.

Son 5 mövsümün nəticələrinə əsasən reytinqimiz 15,875-ə yüksəlib.