ÇL: "Qarabağ"ın növbəti rəqibi bu gün müəyyənləşəcək

Bu gün Çempionlar Liqasında 1-ci təsnifat mərhələsinə yekun vurulacaq.

Futbolxeber.az saytının məlumatına görə, keçiriləcək 12 oyunla 2-ci tura yüksələn bütün komandalar bəlli olacaq.

Ötən gün Şimali Makedoniyanın "Sileks" klubuna 4:0 hesabı ilə qalib gələrək mərhələ adlayan təmsilçimiz "Qarabağ"ın da 2-ci raunddakı rəqibi müəyyənləşəcək. Bakı vaxtı ilə saat 22:00-da başlayacaq "Şerif" (Moldova) - "Fola Eş" (Lüksemburq) oyununun qalibi "Qarabağ"a rəqib olacaq.

Qeyd edək ki, 2-ci təsnifat mərhələinin oyunları avqustun 25-26-da keçiriləcək. Ağdam klubu ikinci mərhələdəki oyununu da evdə keçirəcək.