Deviç karyerasını bitirməsi haqda: “Koronavirusla bağlı vəziyyət və ...”

“Koronavirusla bağlı vəziyyət və Azərbaycan klubu ilə olan müqavilə bu qərarı verməyimə təsir etdi".

Futbolxeber.az saytının məlumatına görə, bu fikirləri "Zurnal.rs"a açıqlamasında "Sabah" klubunda karyerasını başa vuran Ukrayna millisinin sabiq futbolçusu Marko Deviç deyib.

Artıq uzun müddətdir futbol oynadığını xatırladan Deviç 37 yaşlı kişinin digər məsələlər, həyati və idmanla bağlı problemlər haqqında düşünməyə başladığını bildirib: "Bu qədər uzaqlıqda yarım saatdan sonra məşqim başlayacaq deyə, saat 15:00-da  stadionda olmağa özümü həvəsləndirə bilmirəm. Başqa ölkədə maksimum səviyyədə necə oynamalıyam? Digər tərəfdən, bir peşəkar kimi gündən-günə fürsətlərin yüz faizini təmin etməyi öhdəmə götürmüşəm. Ailəm var... Oturdum, fikirləşdim və sadəcə, futbolla vidalaşdım. Futbolçu kimi".

Təcrübəli forvard etiraf edib ki, əvvəlcədən ölkə xaricində 16 ildən çox çıxış edəcəyini gözləməyib: "Əlbəttə xoşbəxtəm və qürur duyuram. Bunlar mənim üçün böyük şeylərdir".

Deviç qarşıdakı planları barədə də fikirlərini bölüşüb: "Əvvəlcə bir qədər istirahət etməliyəm. Daha sonra futbol menecerliyi işində ola bilərəm, digər imkanlara da baxacağam. Şahmat oynamağı da sevirəm. Amma mən alətlərlə yox, daha çox topla oynamağı bacarıram. Əvvəlcə menecer, sonra məşqçi olacağam. A kateqoriyalı məşqçi lisenziyam var və yüksək məşqçilik kursunda iştirak etməyi planlaşdırıram. Bizim kimi gənc futbolçulara da bir yer tapılacaq. Səyahət futbol agentinin həyatında qaçılmazdır. Bu, məşqçi işindən daha az streslidir".

Qeyd edək ki, Serbiya əsilli ukraynalı futbolçu daha əvvəl 2018/2019 mövsümündə "Sabah"da çıxış edib. Ötən yay Serbiyanın "Voydovats" klubuna keçən Deviç cari mövsümün qış fasiləsində yenidən Masazır təmsilçisinə transfer olunub.