"Qarabağ" və "Sumqayıt" yarımfinalda

Azərbaycan kubokunda 1/4 final mərhələsinin cavab görüşlərinə yekun vurulub.

Futbolxeber.az saytının məlumatına görə, bu gün daha 2 oyun keçirilib.

İlk olaraq "Sumqayıt" "Neftçi"ni qəbul edib. 90 dəqiqə ərzində qapılara qol vurulmayıb. Bununla da Sumqayıt təmsilçisi ardıcıl ikinci il "Neftçi"nin yarımfinala yüksəlməsinə imkan verməyib. 

Son oyunda isə "Qarabağ" "Keşlə"nin qonağı olub. İlk matçda olduğu kimi cavab görüşündə də qalib gələn Ağdam klubu yarımfinalda "Sumqayıt"a rəqib olub.

Qeyd edək ki, dünən "Qəbələ" və "Zirə" yarımfinala vəsiqə qazanıb.

Azərbaycan Kuboku

1/4 final, cavab oyunları

20 dekabr

“Keşlə” - “Qarabağ” 1:3

Qollar: Mahir Emreli, 20 (0:1), Xayme Romero, 40 (0:2),Xəzər Mahmudov, 67 (1:2), Toral Bayramov, 90+3 (1:3)

Hakimlər: Rauf Cabarov, Elşad Abdullayev, Müslüm Əliyev, Orxan Məmmədov

“ASCO Arena”

İlk oyun - 0:1

“Sumqayıt” - “Neftçi” 0:0 

Hakimlər: Rəvan Həmzəzadə, Cəmil Quliyev, Vüqar Bayramov, Rəşad Əhmədov

“Kapital Bank Arena”

İlk oyun - 1:0

“Sabah” - “Qəbələ” 2:3

İlk oyun - 0:3

“Zirə” - “Səbail” 1:0

İlk oyun - 0:0