“Danışılmış oyunlara qarşı mübarizə aparırıq deyə, bu işdə maraqlı olanlar bizə qarşı mübarizə aparırlar”

“Hazırda Birinci Divizionda danışılmış oyunları 30 faiz azaltmışıq. Premyer Liqamızda bütün oyunlar təmiz keçir. Bax, həmin danışılmış oyunlara qarşı mübarizə aparırıq deyə, bu işdə maraqlı olanlar bizə qarşı belə mübarizə aparırlar”.

Futbolxeber.az saytının məlumatına görə, bunu AFFA-nın baş katibi Elxan Məmmədov deyib.

Azərbaycan radiosu və “İdman” kanalının müştərək yayımı olan İlkin Babanın aparıcısı olduğu “Extra time” proqramında qonaq olan E.Məmmədov bildirib ki, bir müddət əvvəl Premyer Liqada legioner limitinin aradan qaldırılması məsələsinin müzakirəyə çıxarılması da səbəbsiz olmayıb:

“Bir müddət əvvəl legioner limitinin ləğv edilməsi üçün silsilə yazılar dərc edilməyə başladı. Bunda kimdi maraqlı tərəflər? Ölkəyə müxtəlif menecerlər keyfiyyətsiz oyunçu gətirmək istəyirlər, bu üzdən də belə kampaniya aparıldı”.