"Düdelanj"ın prezidenti: "Qarabağ"ı Bakıda təəccübləndirmək asan olmayacaq”

"Düdelanj"ın prezidenti Romen Şumaxer Avroliqadakı oyunlarından və danışıb.

Futbolxeber.az saytının məlumatına görə, o, Avropa Liqasının qrup mərhələsinin 3-cü turunda "Sevilya" ilə keçiriləcək səfər oyunu öncəsi fikirlərini bölüşüb:

"Bu mövsüm avrokuboklarda etdiklərimiz möcüzədir, bir həvəskar klub üçün böyük uğurdur. Gələn illərdə bunun təkrarlanacağını söyləmək çətindir. "Sevilya" ötən il qarşılaşdığımız "Betis"dən daha güclüdür. Bizimlə müqayisədə, onlar başqa dünyadır. Qrupda APOEL-ə səfərdə qalib gəlsək də, "Qarabağ"a evdə uduzduq. Düşünürəm ki, yenidən APOEL-ə qalib gəlmək çətin olacaq. Həmçinin "Qarabağ"ı Bakıda təəccübləndirmək bizə asan olmayacaq. Çox seçim imkanımız yoxdur”.