Emil Balayev: “Komandamızda əhval-ruhiyyə yüksəkdir”

Avropa çempionatının seçmə qrup mərhələsi çərçivəsində sabah Macarıstan yığmasının qonağı olacaq milli komandamızın qapıçısı Emil Balayev media nümayəndələri qarşısına çıxıb. 25 yaşlı qolkiper qarşıdakı oyundan gözləntiləri haqda fikirlərini bölüşüb:

“Komandamızda əhval-ruhiyyə yüksəkdir. Çünki bura Bəhreynlə qələbə ilə gəlmişik. Oyuna yaxşı hazırlaşmışıq. Macarıstanın Xorvatiyaya 0:3 hesablı məğlubiyyəti hələ heç nə demək deyil. Sabah bizi maraqlı oyun gözləyir”.

Qazaxıstan “Tobol”unun qapıçısı Xorvatiyaya qarşı debüt matçında həyəcanlı olmadığını da dilə gətirdi: “Futbol kollektiv oyunudu. Bəli, ilk oyunum idi. Ancaq gərgin deyildim, çünki komanda yoldaşlarım mənə inamını nümayiş etdirirdi. Düşünürəm ki, sabah da həyəcanlı olmayacam” (sport24.az).