“Neftçi” “Keşlə” ilə oyunun hazırlığına başlayıb

“Neftçi” Premyer Liqanın 5-ci turunda qarşılaşacağı “Keşlə” ilə oyunun hazırlığına başlayıb.

Futbolxeber.az saytının klubun “Facebook” səhifəsinə istinadən verdiyi məlumata görə, “Qarabağ”la görüşdən sonra birgünlük fasiləyə buraxılmış komanda dünən “Türk Hava Yolları Futbol Mərkəzi”ndə məşqə çıxıb.

Məşqdə toplu çalışmalar və müxtəlif təmrinlər yerinə yetirilib. Hazırlıq bu gün bir məşqlə davam edəcək.

Xatırladaq ki, sentyabrın 22-də “Bakcell Arena”da keçiriləcək “Neftçi” - “Keşlə” oyunu saat 18:30-da başlanacaq.