“Neftçi”nin oyununda anşlaq olacaq

“Neftçi"nin UEFA Avropa Liqasının ikinci təsnifat mərhələsində Rusiya “Arsenal"ı ilə Bakıda keçirəcəyi cavab oyununda tribunalar tam dolacaq.

Futbolxeber.az saytının məlumatına görə, satışa çıxarılan 10 min 500 biletdən 9 mindən çoxu artıq satılıb.

Qeyd edək ki, satılmayan məhdud sayda biletləri yalnız “Bakcell Arena”nın kassalarından almaq mümkün olacaq.

Əlavə edək ki, “Neftçi” - “Arsenal” matçı saat 21:00-da başlayacaq. Bu komandaların Tuladakı ilk görüşündə Azərbaycan təmsilçisi rəqibi 1:0 hesabı ilə məğlub edib.