“Qəbələ” "Vorskla"ya uduzdu

Türkiyədə təlim-məşq toplanışında olan “Qəbələ” bu gün növbəti yoxlama oyununu keçirib.

Futbolxeber.az saytının məlumatına görə, “Qırmızı-qaralar” Bolu hazırlığının 8-ci günündə ikinci sınağına çıxıb. Təmsilçimiz Ukraynanın “Vorskla” klubu ilə görüşüb.

41-ci dəqiqədə Sənan Qurbanovun komandası hesabda önə keçib. 3 dəqiqə sonra rəqib status-kvonu bərpa edib.

İkinci hissənin əvvəlində “Vorskla” ikinci qol vurub. Az sonra “Qəbələ” hesabda tarazlıq yaratmağa çox yaxın olub. Lakin təmsilçimiz penaltidən yararlana bilməyib. Son yaxın daha 1 qol vuran Ukrayna klubu meydanı qələbə ilə tərk edib.

Yoxlama oyunu

11 iyul

“Qəbələ” (Azərbaycan) - “Vorskla” (Ukrayna) 1:3

Qollar: Ülvi İsgəndərli, 41 (1:0), Petroviç, 44 (1:1), 57 (1:2), 81 (1:3)

Bolu. “Koru” otelinin meydançası

“Qəbələ”nin start heyəti: Anar Nəzirov, Amin Seydiyev, Sadiq Quliyev, Yusif Nəbiyev, Qismət Alıyev, Kamal Mirzəyev, Merab Qiqauri, Fernan Lopez, Rövlan Muradov, Roman Hüseynov, Ülvi İsgəndərli