Yakub Jezniçak: "Qarabağ"da özümü əla hiss edirdim"

"Özümə də maraqlı idi ki, görəsən, karyeramı bitirim, yoxsa oynamağa davam edim. Çünki futbolla bağlı başqa maraqlı təkliflərim var idi".

 

Futbolxeber.az saytının məlumatına görə, bu sözləri mövsümün sonunda "Qarabağ"dan ayrılan Yakub Jezniçak Polşa mətbuatına açıqlamasında deyib. "Visla" (Plok) klubu ilə müqavilə bağlayan 32 yaşlı müdafiəçi sabiq klubu "Legiya"ya qayıtmamasının səbəbini açıqlayıb: "Mənim də ümidim var idi ki, yenidən "Legiya"da oynayacağam. Məsələ 50/50-yə idi. Mən istəyirdim, görünür, onlar istəmədilər (gülür)". Çoxları düşünürdü ki, yanlış seçim etmişəm və Azərbaycan futbolunda heç nə yoxdu. Amma reallıq göstərdi ki, orada vəziyyət daha yaxşıdı. "Qarabağ"da özümü əla hiss edirdim".

 

Jezniçak 2 illik "Qarabağ" karyerasından sonra futbolla vidalaşmaq istədiyini də istisna etməyib: "Azərbaycandan Polşaya qayıtdıqdan sonra karyeramı bitirmək barədə ciddi fikirləşirdim. Ancaq veteran futbolçularla söhbətlər məni fikrimdən daşındırdı. Onlar deyirlər ki, bacardığın qədər oyna, çünki bir də bu hissləri yaşamayacaqsan".