"Gürcüstan klubundan təklif almışam"

Milli komandamızın sabiq üzvü Amit Quluzadə karyerasını Gürcüstanda davam etdirə bilərmiş.

Futbolxeber.az saytına açıqlama verən Quluzadə gürcü klubundan təklif aldığını bildirib. Son klubu Bosniya və Herseqovinanın “Çelik” klubu olan Quluzadə qarşıdakı mövsüm hansı komandada oynayacağına qərar vermədiyini bildirib: “Bəli, hazırda mənə təkliflər var. Onlar müxtəlif ölkələrdəndi. Gürcüstan klubundan da təklif almışam.

Amma hələ ki, tam qərarımı verməmişəm. Çünki olan başqa təklifləri də gözdən keçirirəm. Yenə təkliflər ola bilər deyə, hələ ki, tələsik qərar vermirəm. Yaxın vaxtlarda qərarımı verəcəm”.