"Qurban Qurbanovun milli komandadan gedişini gözləmirdim"

“Qurban Qurbanovun milli komandadan gedişini gözləmirdim”.

Bunu Futbolxeber.az saytına açıqlamasında Azərbaycan milli komandasının sabiq üzvü Deni Qaysumov deyib.

İllər öncə Azərbaycan yığması üçün oynamış Qaysumov Qurban Qurbanovun gedişinə şərh verib. O, məsələ haqda bunu deyib: “Başa düşmək lazımdı ki, Qurban Qurbanovla AFFA rəhbərliyi arasında hansı danışıqlar olmudu, hansı suallar ortaya çıxmışdı, münasibətlər necə idi, bir çox nüanslar var. Ona görə də məsələ haqda tam geniş nəsə demək olmur. Əlbəttə ki, Qurban Qurbanovun bu tsikldə millinin baş məşqçi postunda olmasını çox istəyərdim”.

“Yəqin ki, AFFA xarici məşqçi dəvət edəcək. Əlbəttə, biz milli komandamızın uğurlu nəticə qazanması üçün azarkeşlik edəcəyik. Həm də millidən yaxşı oyun gözləyirik. Hər şeyin daha yaxşı olacağına ümid edirəm. Əgər qərar verilibsə, biz daha yaxşısını gözləməliyik” – deyə, Qaysumov fikirlərini yekunlaşdırıb.