Türkiyə klubunun futbolçusu: "Azərbaycan yığmasında oynamağa hazıram"

"Ümraniyespor"da oynayan Timir Temeltaş Futbolxeber.az saytına açıqlama verib. U-21 yığmamızda oynamış Temeltaş Azərbaycan yığmasında oynama  istədiyini bildirib:

 

"Azərbaycan yığmasında oynamaq istədiyimi bildirmişəm. Xeyr, heç bir dəvət gəlməyib. Mənim vaxtımda yığmada almaniyalı məşqçilər var idi. Deyəsən onların hamısı yığmadam getdi. Yeni gələn məşqçilər bəlkə də məni tanımır, bilmirəm".

 

"Iki ildə 60 oyuna çıxmışam klubumda. Hər zaman da oynayıram, çağırılmamağım oynamaq və ya oynamamaqla deyil. Təbii ki, qol vurmaq önəmlifi, ancaq mən altı nömrə mövqeyində oynayıram. Mənim əsas işim oyunu yönləndirməkdi, qol vurmaq yox. Təbii ki, Azərbaycan yığmasında oynamağa hazıram. Əgər belə bir dəvət gəlsə, razılıq verib Azərbaycan yığmasında oynayaram" - deyə, Temeltaş fikirlərini yekunlaşdırıb.