“Neftçi”nin hücum xətti çox güclüdür”

"Maraqlı oyun izlədik. Qollar, sarı və qırmızı vərəqələr oldu. İlk yarıda qollar buraxmağımızdan sonadək əziyyət çəkdik. İkinci hissədə uşaqlar oyunu ələ aldı. Təəssüf ki, imkanlarımızdan istifadə edə bilmədik. “Neftçi”nin hücum xətti çox güclüdür".

Futbolxeber.az saytının məlumatına görə, bu sözləri "Sabah"ın baş məşqçisi Elşad Əhmədov Topaz Premyer Liqanın 13-cü turunda "Neftçi"yə məğlubiyyətdən (1:2) sonra mətbuat konfransında deyib.

- Meydanda başqa nə olmalı idi ki, “Sabah” qol vursun, xal qazansın?

- Hər şey var idi, sadəcə keyfiyyətli hücum alındıra bilmirik.

- Nə çatmırdı?

- Deyək ki, hücum vaxtı imkanlardan yararlanmamaq problemi var. Rəqib müdafiəçini keçə bilməmək, düzgün ötürmə edə bilməmək və s.

- Elşən Abdullayev nə zamana hazır olar?

- Gələn oyun meydana çıxa bilər. Həkimlərin qərarından asılı olacaq.