"Zenit"in futbolçusu: "Azərbaycan yığmasında oynamaq təklifi gəlməyib"

“Zenit”in əvəzedici heyətində çıxış edən Samir Bayramov maraqlıdı ki, AFFA-nın maraq dairəsinə düşməyib. Belə ki, daima oyunçuların səviyyəsindən şikayətlənən aşağı yaş qruplarından işləyən baş məşqçilər Bayramova diqqət yetirməyib. Futbolxeber.az saytına açıqlama verən Bayramov heç Azərbaycan yığmasında oynamaq barədə düşünmədiyini bildirib: “Azərbaycan yığmasında oynamaq? Düzünü desəm, heç belə bir təklif də gəlməyib. Gəlsə belə, qərarımı bilirəm. Çünki mən hazırda legioner olmaq istəmirəm.

Azərbaycandan mənə Nə U-19, nə ə U-21 yığmasında çıxış etmək üçün dəvət gəlib. Əgər olsa hansı cavabı verəcəm? Dəvət yoxdusa, bu barədə düşünməyin mənası yoxdu. Ancaq gələcəkdə Azərbaycan yığmasında oynamaq təbii ki, maraqlı gəlir mənə. Ancaq indidən bu barədə danışmaq istəmirəm. Çünki karyeramın necə olacağını bilmirəm. İstənilən halda mən yaxşı futbolçu olmaq üçün çalışıram”.