Malta millisinin üzvü: "Azərbaycan qrupun qalibi olacaq"

Malta millisinin aparıcı üzvlərindən sayılan Pol Fenex Futbolxeber.az saytına açıqlama verib. Yarımmüdafiəçi Azərbaycan millisinə qarşı keçirdikləri görüşü dəyərləndirib. Bununla yanaşı qrupda hansı komandanın qalib olacağına proqnoz verib:

 

“Azərbaycanla görüşdə uduza biləcəyimizi ehtimal edirdik. Çünki rəqibin gücünü bilirdik. Bundan savayı Azərbaycana bu görüşdə qələbə çox vacib idi. Ona görə də bizim üçün ağır olacağı məlum idi. Şadam ki, biz istədiyimiz nəticəni qazana bildik. Düzdü, qələbə də qazanmaq olardı. Çünki son dəqiqələrdə dirək qalib gəlməyimizə imkan vermədi. Ancaq nəzərə alsaq ki, Azərbaycan yığması sona qədər hücumlar edirdi, yaxşı nəticə qazandığımızı deyə bilərik.

 

Riyazi olaraq bizim də şansımız var qrupdan çıxaq. Biz son oyunlara da qələbə üçün çıxacağıq. Qrupda hansı komandanın birinci olacağını düşünürəm? Məncə, Azərbaycan Kosovodakı görüşdə qalib gələcək. Düzdü, Kosovo yığmasında güclü futbolçular çoxdu. Amma Azərbaycan daha təcrübəli komandadadı və çətin durumda lazımi nəticəni necə olacağını bilirlər. Məncə, Azərbaycan qrupun qalibi olacaq”.