"Azərbaycan yığması üçün oynamaq istəyirəm"

“Klubumda daima oynamaq istəyirəm. Belə olan halda daha yaxşı olacaq”.

Bu sözləri Futbolxeber.az saytına açıqlamasında “Bohum”un forvardı Barış Ekincier deyib.

Türkiyəli futbolçu Azərbaycan yığmasından imtian etmək barədə düşünmədiyini bildirib. Onun sözlərinə görə, Türkiyə və ya Almaniya yığmasından dəvət gəlsə belə, o, Azərbaycan üçün oynayacaq: “Uşaqlıqdan Azərbaycan yığmalarında oynayıram. U-17-dən bu yana buradayam. Mən klubumda daha yaxşı oynamaq istəyirəm.

Belə olacağı təqdirdə də millidə də hər şey yaxşı olacaq. Ola bilər ki, mənə başqa ölkədən dəvət gəlsin. Ancaq mən hər zaman Azərbaycan yığması üçün oynamaq istəyirəm. Çünki bura mənə doğmadı”.