"Bəzi futbolçuları tanımaq olur, kimlərlə yola çıxmaq olar, kimlərlə olmaz"

“Maltadakı oyunda gərəksiz qollar buraxdıq. Qapımıza dörd zərbə gəldi dördü də qol oldu. Maltadakı oyunda çox futbolçu bacarığından aşağı səviyyədə çıxış etdi”.

Bu sözləri Futbolxeber.az saytına açıqlamasında “Keşlə”nin müdafiəçisi Tərlan Quliyev deyib.

Quliyev Avropa Liqasının birinci mərhələsində “Baltsan”ı keçə bilməməklərimə açıqlama gətirib: “

Bakıdakı görüşdə yaxşı oynadıq. Ancaq zərbələrimiz qol olmadı. Məncə, şanssızlıq oldu. 2:0-dan sonra iki qol epizodumuz oldu. Onlar da qol olmayandan sonra vəziyyəti dəyişmək çox çətin idi. Biz bilirdik ki, rəqib hər yola əl atacaq, yerə uzanacaq. Hakimin də səhvləri var idi. Bir-iki oyunçuya vaxtında sarı göstərsəydi onlar bu qədər vaxt aparmazdı.

Xeyr, bu məğlubiyyət çempionatöncəsi bizə zərbə ola bilməz. Sadəcə belə vəziyyətdə bəzi futbolçuları tanımaq olur da, kimlərlə yola çıxmaq olar, kimlərlə yox. Çempionatımızın səviyyəsi aşağıdı deyə, klublarımız da uğursuz çıxış edir”.