"Hədəflərə doğru getmək istəyiriksə, "Balzan"ı keçməliyik"

“Şükür Allaha hər şey qaydasındadı. Məşqlərimiz də gedir, yavaş-yavaş hazırlaşırıq”.

Bu sözləri Futbolxeber.az saytına açıqlamasında “Keşlə”nin qapıçısı Orxan Sadıqlı deyib.

Sadıqlı komandasının yeniləri və “Çelik”ə qarşı keçirilən yoxlama görüşü haqda da danışıb: “Yenilərə hər zaman adaptsiya üçün vaxt lazım olur. Onlar haqda indi nəsə deməyim düzgün olmaz. Hamısına vaxt lazımdı.

“Çelik”lə görüş haqda nə demək olar? Belə oyunlarda hesab vacib deyil. Əsas olan komandanın durumu görmək lazım olur. Onu da deyim ki, meydança ağır vəziyyətdə idi. Bir neçə gün yağış yağmışdı. Bu da təsirsiz ötüşmürdü. Üstəlik ağır məşqlərdən keçirik, yükləmələr var. Hədəfimiz 12-də olan oyunadı”.

“Balzan”ın çox əcnəbi oyunçusu var. Onları daha yaxından Maltada analiz edəcəyik. Rəqibimiz bura qədər gəlibsə, demək ki, asan olmayacaq. Ancaq biz hədəflərə doğru getmək istəyiriksə, “Balzan”ı keçməliyik” – deyə, Sadıqlı fikirlərini yekunlaşdırıb.