“Zirə” Ayxan Abbasovla bağlı qərar verdi

Ayxan Abbasovun “Zirə”dəki taleyinə aydınlıq gəlib.

Klubdan Futbolxeber.az saytına verilən məlumata görə, rəhbərlik gənc mütəxəssislə yola davam etmək qərarı verib. Bildirilib ki, klubun Avroliqaya vəsiqə əldə edib-etməyəcəyindən asılı olmayaraq, A. Abbasov vəzifəsində qalacaq.

Qeyd edək ki, “Zirə”nin Avroliqada iştirakı kubokun final oyununun nəticəsindən asılıdır.Əgər “Qəbələ” həlledici görüşdə “Keşlə”ni məğlub etsə, Topaz Premyer Liqanı 4-cü sırada bitirən “Zirə” növbəti mövsümdə ölkəmizi avrokuboklarda təmsil edəcək.