“Nürnberq”in futbolçusu “Qəbələ”də

2017/18 mövsümünün hazırlıqlarını Avstriyada davam etdirən “Qəbələ” heyətini daha bir futbolçu ilə gücləndirib. Futbolxeber.az-ın məlumatına görə, “qırmızı-qaralar” hollandiyalı müdafiəçi Deyv Bultuislə anlaşıb. 

 

Klubdan bildirilib ki, 27 yaşlı hollandiyalı müdafiəçi ilə 3 illik müqavilə imzalanıb. 

 

Qeyd dək ki, 1990-cı il iyunun 28-də Hollandiyada anadan olan futbolçu DCG, “Purmersteyn”, “Volendam” və “Utrext”in yeniyetmə komandalarında çıxış edib. Müdafiəçi peşəkar karyerasına da Utrextin eyniadlı təmsilçisində başlayıb. Həm sol cinahda, həm də mərkəzdə çıxış edən Bultuis 2010-2014-cü illərdə “Utrext”in şərəfini qoruyub. 2014-cü ildə Almaniyaya yollanan hollandiyalı son 3 mövsümü “Nürnberq”in heyətində keçirib.

 

Xatırladaq ki, “Qəbələ” bundan əvvəl İlqar Qurbanov, Aqil Məmmədov, Elvin Məmmədov, ispaniyalı Xavyer Ernandes Qonzales, fransalı Stiven Jozef-Monroz, hollandiyalı Dion Malone, şotlandiyalı Endi Hallidey, malili Famoussa Kone ilə anlaşıb.