"Nəticə qazanmağı bacarırıq"

Bu gün UEFA Avropa Liqasında 1-ci təsnifat mərhələsinə yekun vurulur. Futbolxeber.az-ın məlumatına görə, səfərdə "Mladost"u (Serbiya) məğlub edən təmsilçimiz “İnter” cavab matçında 2 cavabsız qolla qələbə qazanaraq, növbəti mərhələyə adlayıb.

 

“Dalğa Arena”dakı matçdan sonra keçirilən mətbuat konfransında açıqlama verən ev sahibi komandanın baş məşqçisi Zaur Svanadze qələbəni belə şərhə edib: “Rəqib çox yaxşı komanda idi. İlk oyunda 3:0 hesabıyla qalib gəlməyimizə baxmayaraq, bu oyundan öncə həyəcanlı idim. 6 ildi, burda çalışıram. 3 ildi, ardıcıl çətinliklərlə üzləşirik. Ancaq buna baxmayaraq, nəticə qazanmağı bacarırıq. Buna görə, uşaqlara təşəkkür edirəm”.