Ayxan Abbasov: “Avropa Liqasına tam hazır olmağa çalışacağıq”

Türkiyədə təlim-məşq toplanışında olan “Zirə” ötən gün yoxlama matçı keçirib. Futbolxeber.az-ın məlumatına görə, Bakı “İnter”inə 2:0 hesabı ilə qalib gələn “qartallar”ın baş məşqçisi Ayxan Abbasov oyun haqda fikirlərini klub saytına açıqlayıb:

 

“İlk yoxlama oyunumuz idi. İki heyətlə oynadıq. Bizim üçün futbolçuların meydankı hərəkətliliyi vacib idi. Ötən həftə ağır məşqlərimiz oldu, bu həftə isə əsasən taktiki-texniki hazırlıq üzərində işləmişdik. Müəyyən tapşırıqlarımız var idi ki, futbolçuların onu necə yerinə yetirməsini görmək istəyirdik. Futbolçular da verilən tapşırıqları yerinə yetirməyə çalışdılar. Ümumilikdə, hər iki hissədən razı qaldım. Bununla belə, görüləcək işlər çoxdu. Çünki bizə yeni qoşulan futbolçular da var. Onların da uyğunlaşması üçün zamana ehtiyac var. Qarşıdakı yoxlama oyunlarda çatışmazlıqları aradan qaldıraraq, Avropa Liqasına tam hazır olmağa çalışacağıq".