"Bu dəfə bizi Azərbaycanla daha çətin oyun gözləyir"

“Türkiyədə hava şəraiti Azərbaycandakı kimidir. Orda çətin toplanış keçdik. Ümid edirik ki, hər şey yaxşı olacaq”.

Futbolxeber.az saytının məlumatına görə, bu sözləri Şimali İrlandiya yığmasının kapitanı Stiven Devis DÇ-2018-in seçmə mərhələsində sabah millimizlə qarşılaşacaqları oyun üçün təşkil olunan mətbuat konfransında deyib.

"Sautgempton"un futbolçusu Azərbaycan son səfərləri ilə indiki arasında fərq olduğunu bildirib: "Axırıncı dəfə Azərbaycanda olanda qrupda vəziyyət fərqli idi. Bu dəfə bizi daha çətin sınaq gözləyir. Çünki indi rəqibimiz də qrup ikinciliyini hədəfləyib. Amma qrupdakı oyunlarımızı nəzərə alsaq, uğurlu çıxış edəcəyimizə inamımız artır. İkinci pillədə qərarlaşsaq da, qələbə qazanmalıyıq. Bakıya 3 xal dalınca  gəlmişik. Belfastda qələbə qazanmışıq. Bunun davamını gətirmək istəyirik".

Şimali İrlandiya millisi indiyədək Bakıda qələbə qazana  bilməyib. Təcrübəli yarımmüdafiəçi son görüşdə yığmamıza qalib gəldiklərini xatırladaq yaxşı nəticəyə ümid etdiklərini deyb: "Təbii ki, hər bir səfər oyunu çətin olur. Ancaq biz öz meydanımızda Azərbaycana qalib gəldik. Ona görə də özümüzə inanırıq" (qol.az).